(( قصيدتي مهدات لكل فتاة غُصِبت على الزواج بانسان لم ولن تحبه ))
فرحة عرس وعيون دتصب بدمع
وجرح الامس هلباقي يطحن بالظلع
ياچفوف أتحنّنت ،،،، بليلة عرس
ياطعم احلامنا ،،،. الكانت امس
شيلن صواني الياس طفّن هلشمع
الليله ليلة حنّه ،،،،،، معجونه بدمع
@@@@@
جيتن يلبنيات ،،،، هلهلتن غفل
گلبي بحزن هلنام رد فز وجفل
بسچن تگطرن علگلب هم والم
توّه غفه،. بس نام وبحبه حلم
كافي تهدّن،،نام حزني بالظلع
الليله ليلة حنّه ، معجونه بدمع
@@@@@@
ليلة عرس وعيون نعسانه وكحل
وكحلي على الخدين وي دمعي نزل
مجبوره اداري دمعتي بليلة عرس
وحزني بقه مذبوح بالصدر انحبس
ودريم على شفافي حزن اسود طلع
والليلة ليلة حنّنه ،، معجونه بدمع
ليست هناك تعليقات:
إرسال تعليق