شفت مثلك شبيه ( شعر شعبي ) .......................... بقلم : نضال الشبيبي /// العراق

شفت مثلك شبيه ودمعت عيني
رجع بي الزمان ورجعت سنيني
رجع بي الوگت الذكرى مألومه
ال يلوم الروح لا والله ،، مالومه
يليل الشته هالبردان بهدومه
تعال بحلم خذني وياك دفيني

(( شفت مثلك شبيه ودمعت عيني ))
@@@
عزيز انت وتظل بس انت في بالي
غيابك شل حياتي وغيٌر احوالي
تظل انت حبيبي وليش بس انت ؟
يفز جرحي عليه وينزف بسكته
عفا روحي تنوح بليل ، مانمته
وكح جرح البقه بيها ،، يواسيني
( شفت مثلك شبيه ودمعت عيني )
@@@@@@
افز بالليل اشوف دموع في خدي
أون سكته ، احس طيوفك تعدّي
أنادي بصوت مامسموع اترجاك
طفله الروح غريبه وك اخذها وياك
عزيز الها عفاها سنين ماتنساك
وتناديني ، اريد هواي ،،، وديني
( شفت مثلك شبيه ودمعت عيني )
@@@@@@@@
مع اطيب تحياتي لكم احبتي
نضال الشبيبي