ذكرتك مو احبك بس اريد انساك
يلطبعك جفه ،، طبعي انا اهواك
يمر طيفك عليّ بليل افز مرعوب
يحبك قدر عمري ، والقدر مكتوب
ذكرتك والجسد مشلول من بلواك
ذكرتك مو احبك بس اريد انساك
@@@@@@@@@
ذكرتك مو حنين الصحّى أفكاري
لا شوق اشتعل لا هاجت اشعاري
ذكرتك والندم ودّاني يم ذكره
شفت بيها الجروح بعشقك وصبره
احس بشياء تصرخ والگلب وياك
ذكرتك مو احبك بس اريد انساك
@@@@@@@@@
تعال اغرف بقايا الظيم من صدري
شبعت ذل بغرامك ضاع كل عمري
يظالم هاك كاسي من العذاب لكان
عساك تظوگ مر،،، الضاگه كل ولهان
احس الروح كلها تنزف ،، بطرواك
ذكرتك مو احبك بس اريد انساك
@@@@@@@@@
ذكرتك يا عذابي ،،وحرقة الامي
ذكرتك يا ترف ،، وبآخر أيامي
اذا انساك خاف تگول ها ذنبك
وانا المجروح لوّعني زمن حبك
وتذب بيّ الذنب من هجرك وفركاك
ذكرتك مو احبك بس اريد انساك
ليست هناك تعليقات:
إرسال تعليق