صِدكَـ صاير حبيبي موش ألاول
ياشَمْعَتْ أمل ،، ليش البُعد طَوّل
أتعنّه وجيك اليوم كون أندل
صبرت أهواي تدريني ... يالصبري جزعني أو مَلْ
يالمعَذِبني حيل أهواك ... يَلَّلــي إسمك فلا ينملْ
تعـــــال أرويحتي ابرَجواك ... تِمرجَح بيها وتدللْ
يا مِزْنة مُطر هالروح تتمنّاك ... تعال أو خلها تتبَللْ
شلون أوصل بِعيد ألماي ... يالغِصني تركته أبتلْ
وأنا الهايم صِرت لا راي ... لو طَوّلِت خاف أختلْ
بجيت إهواي ، حجيت إهواي ، إنجرحت إهواي
تعبت إمن الضمد والشلْ
يهل دمعي صِدكَ وَشْلْ
كَلّبتْ ألرسائل ، والصور عِندي أهواي
تِذكرني إبهواك أو ماكـو صورة حَلْ
سَألت أعليك يمسافر ... ياهو أللي أسأله أيكَول روح أسألْ
وين العافيه أبفركَاك ... بغيابك صِرت أنسلْ
لبست أسود حِداد أعليك ... وهلالك أبد ما هَلْ
مُرْ حَنظَلْ حَجي ألشِمآت ... سيف وبالظِلع مَكَبَلْ
كِلْ هذا وَكَول إعليك ... حبيبي وعَنّه مــــا أقبلْ
يبو حجيي الترف ممشاك ،، ممشه أكحيله وِمعَدّلْ
يا صورة شِعر وقراك ،، أخذ الروح مَروَد بيها تِتكَحّلْ
أمواج أو بَحر شَعْرك ظحكات الطفوله أنحلْ
غُفئ طير الكَِطئ أبصدرك ،، ولممشاك ناخ البلْ
غَزال أو مقتدر سوّاك ،، سبحانه الصوّر أو كَملْ
أغار أعليك من إشفاك ،، لو طبكَن يطـكَـ صندلْ
2018/2/14
الشكر الجزيل اليكم مؤسسة صدى الفصول الالكترونيه شكرا موصول الى ست بتول الدليمي
ردحذف