شوف العين تمطر ، بالدمع تنزف
أخاف وْيَ الدمع اطيافك اتطيح
اظم حرفك بالعيون الشفه ترجف
وتظل الروح طفله ، خرسه وتصيح
اخذ روحي إعْلَ روحك حته تعرف
الك أنذر حياتي ،، وذرها بالريح
فديتك حبيبي ،،، والعمر يخلف
الخلف بيك بوجودك ، والعمر ترويح
@@@@@@@@
شوف العين تمطر والحزن طوفان
صفه عمري بحر وموجاته .اهاتي
ما مثلي ابد .. هل حزن انسان
حزني محيط وكبر رسمته جلماتي
الوذن بالالم ،، وهمومي شكبان
سماي هموم مطرت ، والمطر ونّاتي
اصيحن والصبر مايكفي حزنان
اخاف وْيَ الحزن ، ذكراكم اتطيح
@@@@@@
گضيت العمر ابچي وعمت عيوني
اداوي بالدمع حزني والعمر فات
اگولن بالامل ،،، ما خابت ظنوني
اشوف الامل عاگر من حبل هلمات
أواسي لروح عدهم عذر عافوني
واحس بالگلب يضحك عللچلمات
خايب ليش تخدعني تخدع لروح
خايف بالبچي .. ذكراهم تطيح ؟؟
ليست هناك تعليقات:
إرسال تعليق