((الصوره الاولى ))
لَمّنْ نزف بيّ ،،الجرح
اني على جرحي
انتجيت
وْلچَمت روحي ،، وشهگت
بصدري عبره
ونزلت دموعي غفل..
بس ما بجيت
شگد اكابر ..
شكد اعاني .....
وما حجيت
شْگَدْ هموم ، تشيل روحي
واني ....بوجع روحي
التهيت
ولملت باقي الصبر
وحتى الصبر!!!!
بيه انتهيت
ياعشگ روحي ،، لحزنها
وياكبر جرحي .. نِزَفْ
وبيه ابتليت
وك جمر عِطّابي اشتعل
واني بالجمره انچويت
وما بچيت
بس آخْ مابين الشفايف
طَگّت .. وبيها التهيت
والزمن .. مرمرني ظُلْمه
لاواني بِذْراعه الگويّه
وولتويت
وما بقه بيَ صبر
ولابقى بي حلم
ولابقت روح تتحمل الم
وما بقيت
احمل عذابات الزمن
وْلْا محن ...وْلْا حزن
ولا بقه حتى صبر
وك .... آنه انتهيت
والله والله ... انتهيت
8/2/2018
ليست هناك تعليقات:
إرسال تعليق