((الاهداء
الى ابنة عمتي اختي العزيزه غناء عبد الواحد رمان والى روح اخوها واخي الشهيد الرائد عبد الواحد رمان )
اااخ وبعد چم اخ
راح امنديه.. أَخ
مات واخذ لفراح
ولكم اخويه راح
وينك يخويه عود
مليت هدم السود
والحيل مني طاح
ولكم اخويَ ،،راح
@@@@@
غمّج يغبره ،،، الكاع
خذتي اخويه بساع
وعفتيلي بس النوح
ونّي بعد ... يا روح
شلِّي بحياتي عاد
يحْرَم عليَّ ،،،، الزاد
بس بالونين ارتاح
مني اخويه ،، راح
@@@@@
بسكوت اون بسكوت
ياريت اخذني الموت
ظلت ،، مْعَذْبه الروح
شكبان بيها اجروح
عيوني تصب ادموع
والراح .. ما مرجوع
حيلي انهدم ياصاح
ولكم .. اخويه راح
2017/ 8 /7
ليست هناك تعليقات:
إرسال تعليق