اِعيونهه ( شعر شعبي ) .......................... بقلم : نادر العزاوي // العراق

عيونْهَه من الله أَمانَه
أوْداعَة الله ابّين اِديك
لا تخليهه حَزينــَه
الله ما يرضَه عَليك

مو حرام اِعْليك دَمْعَتهَ تسيل
والوجه حَزنان والمَبْسَم عَليل
ما تضوگ النوم بالليل الطويل
آخ لو مَرَّه العُمر يرجع يعود
جان أَمْسَحْ هَالدَّمِع فوڱ الْخدود
جان اَصير ابخور گدامك وَعود
او ما أخليهه أَبَدْ تِسأل عليك
اِنته أَقْسَه من القساوَه
او هيَّ يا طبع العسل روحِ الحَلاوَه
مثل طبع الورد
لا واكثر طراوه
مثل طعم النِّدَه
بس أكثر نداوه
ما يلوگلهَه الحزنْ
آني هاي اعيونهه
ابگلبي وطن
اعيونهه عندك أمانه؟؟؟؟
وآه منَّك يا زَمَنْ