جنون الحب ( شعر شعبي ).................. بقلم : نضال الشبيبي // العراق

شوگي الك صرخة الروح وْيَ القدر
بوسات من همس البلابل عالثغر
شوگي الك تنهيده تعشق نظرتك
همسات ذابت وَيْ عيونك بالفجر
اهواك ياصرخة فؤادي بكل جنون
واعشق جنوني بيك يلحبك سحر

@@@@@@
عشگي الك أنغام رَگْصَت كل وتر
معزوفه سرها ، اطربتْ كل البشر
شوگي الك بسمة جريح ويبتسم
يضحك وصرخة روح يعصرها الم
اهواك ياصرخة حنين بكل جنون
واعشق جنوني بيك ، يلحبك قدر
@@@@@@
حبي تحدى كل عصور وكل دهر
نسمه تمر بليل وَيْ موج البحر
غَنّتْ على شاط الهوى لحن الحنين
الحان تعزفها ، قلوب العاشقين
اهواك يالوعة فؤادي بكل جنون
واعشق جنوني بيك يلوجهك گُمر