دمعه وجفن ................... بقلم : نضال الشبيبي // العراق

اني وانت بالعشگ فرحه وحزن
اني دمعة عين وك وانت الجفن
انت بسمه واني شفّه ترتجف
بطاري اسمك گلبي يرجف ياترف
ياطبع گلبك بالغزل وك تستحي
وياطبع كلبي ،، انا ،،، ارجع واحن

(( واني وانت والعشگ فرحه وحزن ))
@@@@@
اني وانت بالعشگ لهفة لقاء
عشنا ايام الهوى صدق ووفاء
اناديلك وتناديلي وتجي يمي
وتضل عيونك الحلوه تناد اسمي
يظل طبع لجفن مشتاگ للدمعه
ويظل طبع لبشر مجروح من يحزن
(( اني ونت بالعشك فرحه وحزن ))
@@@@
ياهمس ليل السهر جوّه الجفن
نعسان بس صحاه صوت الحزن
وتبقه سوالف مبسمك فرحة عرس
تشبگ الاشواق من تهمس همس
ياطبع گلبك قصايد ،، تشتهي
وّنّة الاوتار ،،،،، من تعزف لحن
(( واني ونت والعشك ، فرحه وحزن ))
مع اجمل واطيب تمنياتي لكم بالسعاده