شتريد مني
غلست عن العملته اوياي
والكلته عني
اوبعد
شتريد مني
طاوعت كلبي
اوصدكت
ونته العلا
اجروحي اركصت
تاليها ؟!
ياولفي الوكح
شتريد مني
ياماً ابغرامك همت
ليل الشتا
طوله اسهرت
انتظر يوم اوتحن
بلكلبي بيك امتحن
خيبت ظني
شتريد مني
يوميه تزعل ياترف
وارجع أراضيك
دوهنت مني العقل
متكللي اشبيك
خافن عليه اتكبرت
مو عذبتني
شتريد مني
عمري الكضيته اوياك
علوه اويا نصه
مثل اللي يبلع موس
غصه اويا غصه
كل لحظه عدك راي
غيمه اًوجفاها الماي
ما بللتني
شتريد مني
٧ آب ٢٠١٥
ليست هناك تعليقات:
إرسال تعليق