جيب روحك خَلْ اضمها وسط كلبي
انت ،،انت للابد .. بس انت حبي
انطيني ايدك ،،، خَلْ أفر الدنيه بيك
ارد اشيلك وسط روحي ،، احاجيك
انت شمعه ،،،، ونوّرت ظَلْمات دربي
انت انت ،، للابد ،، بس انت حبي
@@@@@
ارد اظمك ،،،،دمعه لعيوني،، وكحل
ارد اشيل اسمك على شفافي غزل
شكد مشينا ؟؟؟؟ اثنينّا بدنيا الغرام
وصرنا للعشاگ ،، سالوفه . وكلام
وهل زِرَعْتك ذكره في شريان گلبي
انت انت ،،، للابد ،، بس انت حبي
@@@@@@
يا امل عمري وإلي ضي العيون
اني من غيرك ابد ،، ما راح اكون
انت خليت الحياة ،، باحلى معنه
انت صرت اشعاري تجري بكلِّ مغنه
وانت انت ،، للابد ،،. بس انت حبي
جيب روحك ، خَلْ اظمك وسط كلبي
10/9/2018
ليست هناك تعليقات:
إرسال تعليق