على بختك حبيبي الروح وك ترجف
بقت هي وعشگها سنين هل تنزف
قسيت ،، تعمدت تجرح مشاعرها
جنت الها العسل هسه صرت مرها
ازرعت بيها الحزن ،،، ياريت لو تعرف
على بختك حبيبي ،،، الروح هل تنزف
على مهلك حبيبي اتهده ،،،، وصّار ؟
مو گدّك صغيره ، روحي تنهار
تراها طفله بيها الحزن ساكن
ابوجهها اتسددت ،،،،، كل الاماكن
بقت مثل الحمامه بقفص مترفرف
على بختك حبيبي الروح هل تنزف
على نار المحبه عشگت النوح
بقت هي وهواها تزرع اجروح
وإجت ريح الحزن هزت مراسيها
جريحه ،، والالم يرسم معانيها
بجت تدري بحكم فرعون ما ينصف
على بختك حبيبي الروح هل تنزف
ليست هناك تعليقات:
إرسال تعليق