ساكن الروح / شعر شعبي ................... بقلم : نضال الشبيبي // العراق

ياساكن ابروحي،،،،،، احبك من زمان
يمرافگ لدكات كلبي في لهفه وحنان
اني احبك ،،،،،،،،من گبل حتى الولاده
انت حبي ،، والعشك تقوى وعباده
يادوه روحي ،،،،،،،،، والي بر الامان
ياسكن ابگلبي . احبك من زمان
@@@@@
ياساكن الروح وصرت تجري بوريدي
يا سر السعاده أْنت . وهلال عيدي
صرت انت النبض ، والنفس بالريّه
صرت انت الحياة ، الهوا والمَيَّه
صار الجسد دارك ، والگلب عنوان
ياساكن بروحي احبك من زمان
@@@@@
ياعمري ، وبعد هم اغلى من عمري
الك جفني غطاك ، ومرقدك صدري
يروح الروح ،،،، وشنهي الروح دونك
غِدَه عمري وسنيني ،،، فدوه لعيونك
وغدت نظرة عيونك ،،، خمرة السكران
ياساكن بروحي ، احبك من زمان

3/11/2017