غلطة الشاطر بالف.................... بقلم : نضال الشبيبي // العراق

(( كلنا خطّائون ،، فنحن بشر ولن نكون ابداً معصومين ،،، ولكن الانسان الحقيقي هو من يعترف بأخطاءه ويقوم بتصحيح مسير حياته ،،، الكل تغلط ولكن غلطة الشاطر بالف غلطه ))

ما أعاتب ،، لا ادور ،، ولا الف
هي غلطة ،،، وغلطة الشاطر بالف
هي غلطة،، سلمت أمري بايديك
تحملت ظلمك ،،،،، لأن صابر عليك
يمكن انت تصحى وتحس بالهوى
لكن أطباعك جفه ،، وكلبك صلف
(( هي غلطة وغلطة الشاطر بالف))
@@@&&&&)
لا تجيني ،، لاتعاتبني واعاتب
لا آذكرك بالمضه .... لاريد أحاسب
احنا قصة وانتهت قبل البداية،
كنت غايب حتى لو انت معايه
يمكن انت چنت علتي والدوا
وچنت عندك بشر محتاج لعطف
((هي غلطة وغلطة الشاطر بالف))
@&&&&&@
أمسح دموعك انا ما يهزني دمعك
وكافي تكذب أنا مااريد أسمعك
بسك إبعد،، اني مليت الخداع،
هي قصة وانتهت ،،. وِبْلا وداع
يمكن انت كنت تضحك عالهوى
واني حبي . چان عمري يا ترف
((هي غلطة وغلطة الشاطر بالف))