كطره كطره روحي تنزف گطره گطره
ومن يصبره كلبي يصرخ من يصبره
مات كل معنى الفرح. و ماتت الروح
باقي منها بس دمع وحزن وحفنة جروح
وانت نور ،، واني ليلي بْلايَ گمره
وگطره گطره روحي تنزف گطره گطره
@@@@@@
گطره گطره روحي خلَّصْ كل صبرها
وما بقه بس الحزن ،،،، والهم مطرها
تكابر شكبر الجرح بظيم السنين
تلملم الدمعه بألم ،،،،،، وحسره وانين
الدمع بيها مطر والفرح ما جاها مرّه
كطره كطره ، روحي تنزف كطره كطره
@@@@@@
كطره كطره روحي تبچي وْيَ الجرح
بعيني دمعه ،،. مساهره لحد الصبح
عيوني عيب تنام ،، ماتعرف حلم
وروحي ساعه تشوغ يعصرها الالم
آه كلبي يحترگ شبّت النيران كبره
وكطره كطره روحي تنزف كطره كطره
@@@@@@
ليست هناك تعليقات:
إرسال تعليق