أنتشر بيها ونين چفاك هاي الروح
شلون أعلن الروح ولايه منكوبه
تهاوت كُل صور ذكراك يا بذات
وچلمات العشكَـ عالشفه مسلوبه
عزرائيل أحس ناثر ثياب الموت
وعلى طاريك أظن وجهي أنگلب ثوبه
تركض عالرعيل تريد تلحگ روح
لأن درب الأوادِم موحشه دروبه
ألحگ بلكيّ أخوة يوسف يگودوك
بس أخذه قميصي .! لو ردت توبه
بلكيّ يفك عيونك من ظلام البيك
ومن إتشمه گلبك تنمحي ذنوبه
حرت بالدفنه وين تضم بقايه إنسان
تريد غراب أدزلك يحفر أنوبه
٢٧/١٢/٢٠١٤
ليست هناك تعليقات:
إرسال تعليق