قصيده رمزيه ( الطريق الى الوطن ،،، الوطن ،، المغتربين عن الوطن .. هو ماارمز اليه بال (سچه) )
سچّه ماتوصل لهلنه حيل تعبها السفر
سجه بطراف المدينه سنين هي تنتظر
سجه ملت لنتظار سنين تبحث عن قطار
تالي ظلتلك وحيده ماتت بكثر القهر
سجه ظلت هلحزينه تشتكي من الانين
تبجي بس تسال علينه واحنه ضعنه من سنين
ضعنا ضاع الامل بينا وضاع منّه املنه
سجه ماتوصل لهلنه
@@@@
السجه تاهت ،،بدمعه تسال عن مصير
هل لفاها بوم ،،،،، مايقبل يطير
السجه خافت ،، بوحشة الليل والسكون
الدنيه ظلمه وريح ،وجفلها الصفير
تالي هلظلت خرابه ،،حيل تعبها الزمن
سچه تعبها الوكت،،، ضاع من
عندها الوطن
والوطن نايم عليل ،،،والزمن
اغبر زمنّا
سجه ماتوصل لهلنه
@@@@
السجه تبجي ،بدمعه تسال عن امان
السجه ظلت ،، لا مسافر ولا ودان
وضلت ابليل الشته ،،، غرگت وفاضت
تهدم الباقي بيها ،،،وهدها ظلمك يازمان
سجه تبحث عن حلول سجه دمرها المغول
تالي. هلظلت جريحه تشتكي من السيول
سجه ممشاها بعيد سجه ماتوصل لهلنا
سجه متوصل لهلنه
قصيده رمزيه ابتدأت اكتبها 1999 - وانهيتها في 10/12/2018
ليست هناك تعليقات:
إرسال تعليق