حبيبي وندفن بالروح
وين ما روح .. ويايه
بدونه وك اظل مجروح
ودموعي صارت هِوايه
حبيبي سلوتي وعمري
مْنْ اديه راح .. هالبدري
بقالي بس اسى وجروح
حبيبي ، مندفن بالروح
@@@@@
حبيبي ،، تايه ابجرفه
وسط روحي اظم حرفه
يعين الروح لو طاحت
وْيْگَطْرِ الماي، عالشفٌَه
حبيبي راح مني بساع
يغمچ وشتشيل الكاع
تركلي وراح حفنه جروح
حبيبي مندفن بالروح
@@@@@
حبيبي رِدْ عَلَيْ وينك
انا تايه ، عُگب عينك
تهت ولذكره تاخذني
وأحن بسكوت لسنينك
وگلبي زادت ،، إجراحه
بعدك ما شفت ، راحه
وروحي بليل بس تنوح
حبيبي مندفن بالروح
23/9/2917
ليست هناك تعليقات:
إرسال تعليق