تعال اغرف( شعر شعبي ) .............. بقلم : نضال الشبيبي // العراق

تعال اغرف الم وهموم من صدري
وردلي الراح ، واللي فات من عمري
حفنه سنين صبرت إعْليك علمقسوم
وبقت عينايْ ،تمطر بس حسافه ولوم
ياظالم نسيت الصار ذاك اليوم
چَنْ نسيت من خليت سچِّنك على نحري

تعال اغرف
@@@@@
تعال اغرف بقايا اوجاع وْ طن احزان
صبرت ويّاك . ومثلي ما صبرانسان
انا المذبوح ،،، وسچِّين القدر بيدك
بعد شتريد ؟؟ كافي روح ،، ما ريدك
اتركني أٓلِمْ الطاح ولّي راح من عمري
تعال اغرف . الم وهموم من صدري
تعال اغرف
@@@@@
كفاك سنين تجرح ،وتحرگ سنيني
وعمري ويْاك كظيته ودمعتي بعيني
بسّك عاد . گلبك من صخر جلمود
وصبري فاض عدّه وهالجزا لحدود
اتركني بعد مليت ، وگضه صبري
ردلي الفات . وللي راح من عمري
تعال اغرف
@@@@@

١٤/١/٢٠١٧
السويد