شجاني................... بقلم : نضال الشبيبي // العراق

(( أحينا تأخذنا غفوةً وْ نستسلم للنوم وحين نصحوا نتمنى ما كنا قد نمنا ))

خذاني النوم ،، وريته ماخذاني
شجاني غمضت عيني شجاني
خذاني الشوگ مره وحلمت بيك
شفت روحي الحزينه چَنْ تسليك
واحس بالروح تنزف ،، بالثواني
شجاني غمضت عيني شجاني

@@@@@@@@
اخذني النوم مره وشفتك بطيف
يچَنّك مطر مزنه أشتاگ للصيف
احس بروحي صحرا وكلبي عطشان
واشوفك نبع صاف بروح انسان
وترد ،،، تاخذني عبره وابقه اعاني
شجاني غمضت عيني شجاني
@@@@@@@
نمت مره وشفت طيفك ندهني
يعتني بشوگ لحظه يرد يهدني
تشوغ جروح تنزف سكته ، واصحه
ويظل الگلب يرجف لحته صبحه
وتظل صرخه حزينه تهز كياني
شجاني غمضت عيني شجاني