العمياء ............... بقلم : نضال الشبيبي /// العراق

اني عميه ،،، بس اشوف بْلاْ عيون
عندي احساس واشوف الدنيا لون
گلبي خالي بس رسمتك في خيالي
لوحه فيها الحبْ ،،، يناديني تعالي
صرت اشوفك انت وي حسي حنون
اني عميه ، بس اشوف بلا عيون

اني عميه
@@@@
اني عميه وروحي مشتاگه لضوه
من ندهها الشوگ طارت بالهوى
تعانقت روحي ويروحك في غرام
ً. وصلوا نجوم السما بلحظة هيام
ذابوا باشوگ في عز الكلام
ماكو مغرم مثلي حبك في جنون
اني عميه
@@@@
اني باحساسي اشوفك دنيه واكبر
في نظر روحي اعيش الحب واسهر
ينده لروحي ،،،، يناجيني واغني
وأشعر بصوتك ،،،، يداعبني بأذني
يرتجف جسمي اذا فد مره مسني
ً. ارتجف وْ بصوتي رعشه بخدي لون
اني عميه
@@@@@@@@@