يكولون العشك خضّر بالظلوع
وانا عشگي صبر للظيم عنوان
زْرَعِت عود العشك وسگيته بدموع
بارض صبخه طلع سبّاح عطشان
انا عاشك جريح الجرح ماطاب
انعجن مر الصبر بشفافه حرمان
چهب ديس الحزن للحزن اسباب
مشه بدرب الندامه ولومة الخلان
يكولون العشك ينبت بالظلوع
وانا عشكي صبر وبصحره مزروع
@@@@@@@@
يكولون العشك صدفه يمر مر
وانا عشگي سكنّي بليل مجنون
اجاني بروح وكحه والگلب مرمر
يعت بالروح ساعه وساعه بالهون
انا عاشك جريح ،، بليله محتار
دفن دمعه ويروحه وحدر الجفون
كتب حزنه قصيده بكلبه اشعار
واخذ حبره ومداده دمع العيون
يكولون العشك ينبت بالظلوع
وانا عشكي صبر وبصحره مزروع
@@@@@@
يغالي لشوك جانه بليل سكران
شرب خمرة اشفافك وصار ماصار
سكر من خمرة الشفه جان عطشان
ودفن شوگه وي روحك جاك خطار
انا عاشك جريح .. والظيم الوان
وشبك حزنه انفجر بالدمع انهار
دعه لرب السمه بشهكة الغركان
يرحم بقايا لعمر والعمر مشوار
يكولون العشك ينبت بالظلوع
وانا عشكي صبر وبصحره مزروع
@@@@@@
يكولون العشك ،، گَطّر على الروح
سكم ، بطعم الصبر وبالصبر مفطوم
عشگ صبره بترف والصبر مجروح
وبقه ملجوم جرحه ، من الصبا لليوم
يگلبي شكد شبع لچمات ماتاب
يطيح شگد سنين... ! ويرجع يگوم
أون ودري ونيني . ما إله سباب
ويظل كلبي ، بعذابه سنين مهموم
گضه كل العمر والگلب مفجوع
يسبح بالقهر....... ما بين الظلوع
ليست هناك تعليقات:
إرسال تعليق