زارِع أمل يا موطني * محسوب زرعي ويه الفِلح
وآنا مِثل طبـع ألنخل * وياك ألي طين أو ملح
مشهود ألي خِلكَـ وصبر ، جمّار أنطي لو تَمر
شامخ أظل ما أنكسر ، لو مئة مره أنا أنذبـح
آنا أبجرف دجله أنتجِـي * ما أعتقد مايّك يشح
شتريد أصيرّن غنوه ألك * لو بالظلع نابت رمح
شتريد أصيرّن منبرّك * وآذان بسم الله الصبح
ولو وكَع سعفي فدوّه ألك * هذا آنا عالي أبلا جنح
وسنين رافع رايتك * رمز أبقى للحُب والصِلح
مو مشكله أوياك أنجرح ، ودواك غالي وما يصح
تشبهني انت يا وطن ، كل موسم إيكَص الزمن
يعلئ أنت طولك يا سَمح *
*********************
زارع أمل وأبقى أنتظر ؛ أسنين لملمت العمر
صفحات بغلاف الصبر ؛ مكتوب أسمي أبيا حبر
من لون سعفاتي الخِظر
مبدع
ردحذف