حاس بيكم ،،،
والدمع ينزل مطر
وبليالي الشوگ چلمة ااه
تعّبْها السهر
حاس بيكم والجروح الخضره
مابطلت ونين
والحنين الداعب جفوني سهر
غفوة سنين
ما چنّه اشواگ وحنين ،، بس انين
يااا ونين العاشگ بليلة سفر
حاس بيكم
والحلم حدر الجفن ،، لمحة بصر
يناغي بالاشواگ كل هاي السنين
خطار اجاني وْيَ الفجر
عاشگ سهر
@@@@@
حاس بيكم ،،
والالم يمطر دمع
والشمع ،، ذاب انتهى
ومات الشمع
وشمعة سنيني انطفت
اخْذَلتْ ،، طعم السهر
وگصرت اححاه بسنين العمر
وظلت الحسرات ،،،
محبوسه وك بين الظلع
وسبّاح عمري يبس
مات بحسافه من العطش
مات بقهر
عطشان مَيّ،، وبيته يم جرف النهر
@@@@@@
حاس بيكم وبترافة ليل
اغني وْيَ الوجع ،، غنوة حزن
دموع وقهر
حاااااس بيكم ياهلي
بارض الوطن
صارت اغانيكم الم ،، دمع ونين
الحان يعزفها الزمن
والقهر معزوفه بچّت كل وتر
والخوف صار الكم لحن
سچّينه وك بيد القدر
والضحكه ماتت بالشفايف
والجرح شاااااغ انتحر
ملجوم من حكم الزمن
وطگ انفجر
الجرح ناغه جروحك ياوطن
حاس بيكم ياهلي بارض الوطن
اغراب عشتوا ،،،
وانتم على ارض الوطن
تموتون وبلايَ چفن
ملعونه احكام الزمن
@@@@@@@@
مع تحياتي لكم بحياة سعيده امنه
نضال الشبيبي
حاس بيكم ،،
والالم يمطر دمع
والشمع ،، ذاب انتهى
ومات الشمع
وشمعة سنيني انطفت
اخْذَلتْ ،، طعم السهر
وگصرت اححاه بسنين العمر
وظلت الحسرات ،،،
محبوسه وك بين الظلع
وسبّاح عمري يبس
مات بحسافه من العطش
مات بقهر
عطشان مَيّ،، وبيته يم جرف النهر
@@@@@@
حاس بيكم وبترافة ليل
اغني وْيَ الوجع ،، غنوة حزن
دموع وقهر
حاااااس بيكم ياهلي
بارض الوطن
صارت اغانيكم الم ،، دمع ونين
الحان يعزفها الزمن
والقهر معزوفه بچّت كل وتر
والخوف صار الكم لحن
سچّينه وك بيد القدر
والضحكه ماتت بالشفايف
والجرح شاااااغ انتحر
ملجوم من حكم الزمن
وطگ انفجر
الجرح ناغه جروحك ياوطن
حاس بيكم ياهلي بارض الوطن
اغراب عشتوا ،،،
وانتم على ارض الوطن
تموتون وبلايَ چفن
ملعونه احكام الزمن
@@@@@@@@
مع تحياتي لكم بحياة سعيده امنه
نضال الشبيبي
ليست هناك تعليقات:
إرسال تعليق