كل حاجة من جوارحي
بتشتهيكي
كل كلمة قالها قلبي
حلوه ليكي
كل نبضة كل نظرة
بتنده عليكي
وانت سايبه ورد عمري
في الجناين مش لاقيكي
نهر حبك معتش واصل
حتي روحك جوه روحي
كتبه شكوي بتقاضيكي
إنت فين ..؟؟؟
والعقاب دا كان لمين .. ؟؟
التجاهل ملوش تساؤل
غير غيابك من يومين
التحايل عالعناد
مش مبرر للبعاد
حبك إنت خير نعمه
خير صحبه خير زاد
إنت فين .. ؟؟؟
والعقاب دا كان لمين ..
لسه دمي جوه شريانك حياه
لسه إسمي بين شفايفك نجاه
ولا بعدك نساكي ملامحي
المرسومه فوق جبينك تاج وجاه
بصي بعيونك شوفي كفك
لسه عاشق حضن كفي .. ؟؟
لسه رعشة شفايفك
لما تخاصمها شفايفي
تصرخ بمليون ألف آه ..؟؟؟
إسأليهم . ..
وغصب عنك وعنهم
حترجعولي .....
وتنادوني ......
تشوفوا مين يفتح بيبانه
يفرد جناحه يفتح كيانه
للي فاتوا عشه وسابوه
وأما عادوا قيدوه
وفي عشقهم سجنوه ......
..... ...... ...... ....... .......
؛؛ ؛؛
ليست هناك تعليقات:
إرسال تعليق