جرح الامس ............................ بقلم : نضال الشبيبي // العراق

جرح الامس ينزف الم حب وحنين
راح الامل بيه انطفت شمعة سنين
مات الگلب يوم المشه عنه الحبيب
عايش انا بغربه واظل دومي غريب
عمر احتضن فرح والم بطعم الأنين
وجرح الامس ينزف الم حب وحنين

@@@@@@
جرح الامس ذكرى بقت ترسم حزن
ووالروح عاشت تعشقه طول الزمن
احساس بيه تْوَلعه ،، لحظة امل
اورجفه هزّت خاطري بقرب الأجل
والروح شَبَّتْ وانطفت بزخّة انين
وجرح الامس ينزف الم وحب وحنين
@@@@@@@
چم اه تعصف بالگلب ساعة الم
جم اخ انزفها واون ،،، بلحظة ندم
وزمّن يحصد مابقه وضاع العمر
واهات ترسم خطوتي ،، ابونَّه وقهر
والروح مَلَّت وشتكت ظلم السنين
وجرح الامس ينزف الم وحب وحنين
@@@@@@@