احبك حب ما حبّه ابد انسان
لا عاشه ببشر لا ملك لا سلطان
احبك حب ما اگدر على وصفه
احسه حساس تص الروح بالرجفه
ناره نار حلوه وتحرگ الوجدان
احبك حب ما حبّه ،، ابد انسان
احبك حب لا عاشگ گبل حبّه
ولا شاعر گدر يوصفه ، يكتبه
انا عايش اذوب بسحره وبطرواه
وحس بنشوه گلبي يذوب وَي الاه
وشوف الروح غرگانه بالذ طوفان
احبك حب ،، ما حبّه ابد انسان
احبك حب عبر كل لعصور ومرْ
على قيس العشگ ليلاه وبعد اكثر
وعبر كل النجوم ،، وصار كوكب
عبر كل البحار . وبالبحر مركب
حبك روح تجري بدمي بلشريان
احبك حب ، ما حبّه. ابد انسان
ليست هناك تعليقات:
إرسال تعليق