ما اظن ،، انت حبيبي
وك حبيبي ، كان نسمه
تطفي نيراني ولهيبي
وارتجف لو جابو اسمه
وك اخاف انت قدر !
والقدر قسمه ،، ونصيب
جاي من تالي العمر
تدّدعي ،،، انت الحبيب
ما اظن انت حبيبي
انت احزاني ،، ونحيبي
@@@@@
ما اطن ،، انت الاعرفه
لچان بس روحي وحياتي
كلبي كان لنهره جرفه
ويبكي وي دمعي واهاتي
ماچنت لا هيچي انت
چنت تسكر،،، في كلامي
چنت اذوب وياك سكته
ترد تذوب ،،، انت بغرامي
ما اظن انت حبيبي
الكان ،،، يطفيلي لهيبي
@@@@@
يا حسافه ،، وآه يناري
نلتقي ،، مثل الاغراب
تكللي يمكن انت جاري
وافترقنا، الدنيا غاب
اي ولك ،، فرقنا الزمن
ونسيت كان عندك حبيب
ينتظر بس منك تحن
وترجع ،، تلوم النصيب ؟
ما اظن انت حبيبي
لكان العلتي ،، طبيبي
لا ما اظن انت حبيبي
ليست هناك تعليقات:
إرسال تعليق