(( ليس كل أخٍ أَخْ فالأخوة كلمة وسر لايعرفه الا من كان اخاً بحق))
احبك . بْكِثر ماحب الوطن والگاع
عفتني لوحدي ورحت .. شبساع
چنت ظلّي وحياتي وْفَيْ اليَّ
شغيّرك ؟شقساك ؟ياخويه عَلَيَّ
چَنْ احنا اهل و كلنا بسفينه
كمت عفت السفينه وْبُگِتْ لشراع
(احبك ، بكثر ماحب الوطن والكاع )
@@@@@@
چِنّا اثنين اخوه،، و نتقاسم اللگمه
چنت انت اخوي وصاحب النخوه
چنت حزام ظهري وعكازتي بْكُبْري
صرت انت بلوتي ،،،وتحفر لگَبْري
ولك هي الاخوه بس سلام وزاد؟
الاخو مو اخو ، ،،مِنْ ينشره وينباع
(احبك بكثر ماحب الوطن والكاع )
@@@@@@@@
چنت احسبنك الّي ،،امي وابويه
حيف والف حيف تجرحني يخويه
درت ظهري الك ياخويه ماادري
تسل خنجرك غفله تطعني في ظهري
يخويه الجرح ينزف والنزف شلال
روح الله وياك ، ضاع كل شيْ ضاع
(( احبك بكثر ماحب الوطن والكاع ))
@@@@@@@@
ليس كل اخٍ اخْ. فالاخوه ككلمة وسر لا يعرفه الا من كان اخاً بحق
نضال الشبيبي
٢٠ /٢ /٢٠١٨
ليست هناك تعليقات:
إرسال تعليق