صرخه هزت جدار الصمت
ذبت كل غضب بيها
بلحظة صراع والم
والجرح بس واليها
صرخة الم مكتوم
عانت ،،،طوال اليوم
وسالت من يداويها
صرخة غريق وصاح
والجرف يبعد عنّه
من الالم صاح وطاح
وما بقت بس الونّه
صرخة جريح بليل
عانت بزحمة ويل
وسالت من يداويها
صرخه من جرح ينزف
يعاني من زمن قاسي
يصرخ والگلب يرجف
ضيعت احلى ناسي
صرخة بشر مظلوم
تنزف جروحه هموم
يسأل من يداويها
ليست هناك تعليقات:
إرسال تعليق