مضى عام وهل عام
وكل الناس تعد أيام
وانقضت سنين واجت سنين
والحزن قلبه مليان
وانحنى الظهر وشاب الرأس
وعامل حاله مش دريان
بفكر بعده شباب
وما بعرف كل شي خربان
والكل بيدعي لربه
وربك أدرى بكل إنسان
كلنا مثلك راح نشيب
ورايحين نعجز يا غشمان
لازم تأمن بالنصيب
والمكتوب كتبه الرحمن
لا تغتر كثير كثير
شياب عاشوا ومات شبان
ترى البلوى بتحل بكير
وبتتأخر بعض أحيان
والدور ماشي ع الجميع
على الشاطر والغلطان
مثل العام وهذا العام
صارت من أيام زمان
الحسرة صابت كل بيت
وال ما صابه من الخوف خرفان
بدك أكثر من اللي بصير
رعب وخوف والكل تعبان
راح عام وأجانا عام
احكيلي مين الفرحان
على إيش بتتمختر منفوخ
نافش ريشك يا إنسان
ليست هناك تعليقات:
إرسال تعليق