ادور بالگطن ...شيبه
صابر والصبر عيبه
خلص عمري بلحسرات
خساره ...عشت بالطيبه
احفر بير ... بالابره
وأصبّر گلبي ..شيصبره
بحصاد الحزن والخيبه
وادوّر ... بالگطن شيبه
@@@@@
ادوّر ماي ،، بالصحره
بهيمه .. والسمه غبره
سنيني اللي تمر مُرّه
خَذَتْ عمري وخذَت صبره
تايه .... والصبر مَلني
حمل شلته . وهدل متني
أَچَذّب عيني تچذيبه
وأَدَوّر ..... بالگطن شيبه
@@@@@
يشيب اللي مِلا راسي
بحكم دهري وزمن قاسي
صابر والجرح ملچوم
على جرحي وظلم ناسي
احس بالدنيه . مو هيَّ
ولا دهري ....ال رحم بيّ
وْأجلِّبْ . ليلي تَجْليبه
وأدَوِّرْ ... بالگطن شيبه
24/12/2017
ليست هناك تعليقات:
إرسال تعليق