اياك فاكر إن الظلم
حييجي في يوم
يترجي سماحك
أو يستسلم
طول م سيادتك
بعت سلاحك
إياك فاكر إن الدمع
ح يشفي جراحك
عمال تبكي
أوعي تفكر إن الناس
راح ترأف بيك
عمر م يمسح
دمع عيونك إلا إيديك
دور علي حقك
وتحايل
وأتفرج ع الحال المايل
وأفضل ساكت
لما سكوتك
سار فضاحك
توب الذل
إتلفح بيك
بعد م هانت نفسك
ف عنيك
وعدوك سرقك
من أفراحك
بعد ما كان
من ضمن عبيدك
خلاك عبد
تعض ف إيدك
تترجي اللقمه
ف إيد سيدك
ومحظور عنك
حتي نواحك
خلاك محبوس
جوه حيطانك
وختم علي قلبك
ولسانك
وبيجري ويلعب
جوه براحك
لملم أحزانك وجراحك
وداري دموعك
جوا عنيك
خلي سنينك
تشمت فيك
والطير يتغني على نواحك
إنت خلاص
ضيعت بإيدك
فرصه ترجع بيها صباحك
ليست هناك تعليقات:
إرسال تعليق