(( الى متى تعيش خلف هذا القناع؟؟ ألا تدري ؟؟؟ سقطت جميع الاقنعه))
يا وجه جوّه القناع
كافي بطّل هالخداع
ياوجه جوّاه خفيت
شنهو لَوَن البي اجيت
جيت تتسلّه عِلَنوحي؟
لهسه ماطلبت جروحي
لهسه عايش في ضياع
ياوجه جوّه القناع
بيت وجه جيت اسألتني
عن سبب هاي الدموع
كافي غش وَكْ تعبتني
تسأل شطفه الشموع
شوف شو وكحه عيونك
بالف لون وشنهو لونك
يلّي طبعك بس خداع
ياوجه ،،،،،جوّه القناع
بيا عين تبجي اجيت
تفرز جروحي وعذابي
آيظالم شكد قسيت
ودست عالباقي بشبابي
ياعجيبه شوكح عينك
تمشي بجنازة قتيلك
ولعبت دور الخداع
ياوجه جوّه. القناع
كافي بدل كل طباعك
تشتري منهو للي باعك
وبعت منهو لي شراك
وخلّص سنينه. بهواك
إثنينه چِنّا بسفينه
والهوا ،،،يلعب علينا
بلحظة مزقت الشراع
ياوجه تحت القناع ؟؟؟
ليست هناك تعليقات:
إرسال تعليق