الأب ليه ديما مجهول
ومرمى ليه ف بحر النسيان
للأم نعمل عيد علطول
والأب ليه مش فاكره لسان
وليه مالهش يوم محفول
زى الأم يكون فرحان
ونكرمه ونبوسه ونقول
انتا يابابا أعظم إنسان
دالأب نهر عطاء موصول
ونعمه م المولى الحنان
وهوه الراعى والمسئول
فى الأسره بيتم البنيان
الأب فى البيت زى رسول
لولاده قدوه ونور وبيان
الأب ويّا الأم أصول
فى كل بيت همّا العمدان
عشان ولاده باله مشغول
دايما علشانهم قلقان
بيخاف عليهم م المجهول
والدنيا وغدر الزمان
يتمنى ولاده يكونو علطول
احسن منه ف كل اوان
هوه اللى بيشيل الحمول
هوه اللى دايما كده شقيان
فى الشغل ليل ونهار مقتول
عشان ولاده دايما تعبان
مين غير الأب يعول
ويحسس الأولاد بأمان
الإبن من غير أب كحول
فى الدنيا بيآسى الحرمان
بدمع العين خده مبلول
مش لاقى بين الخلق حنان
ومهما عنه نقول ونقول
مانوفى ذره من الإحسان
اللى باباه عايش يقول
الحمد لله الرحمن
واللى باباه متوفى يقول
يارب عوضنى النقصان
ليست هناك تعليقات:
إرسال تعليق