يا قصه يا لحن الهوي
مين زيي بالحب إرتوي
حبيت لكن بدون كلام
عشق العيون أجمل هوي
نظره ولو من غير كلام
تشفي الفؤاد من غير دوا
كل المنى أحلام عيون
والقلب بالوجد إكتوي
وإبتدت ثوره فؤادي
شعللت نار الجوي
*****
لما العيون باحت بسري
قلت خلاص الأمرأمري
خفت يكون الرد قاسي
قلت ابعت رسول بشعري
جاني ردك بالقبول
كان أسعد يوم ف عمري
ليله كانت بألف ليلة
في إختبار الشوق وصبري
وإبتدت قصة هوانا
شمسها انت وقمري
*****
وإتواعدنا وجيت قابلتك
قلبي طار أول ماشفتك
قلت إهدي.. قالي أسكت
ورقص سعيد مع بصتك
من عنيكي سهم صابني
غير جمالك مع رقتك
إيدي عشقت حضن إيدك
دبت شوق مع بسمتك
وإبتدا المشوار بهمسه
أشواقي تسبق خطوتك
*****
كل خطوه مشيتها جنبك
ليها ذكرى وفيها نبضك
إيدي تعشق حضن خصرك
قلبي جنبك زي ضلك
فاكره أول مره بوستك
روحي هامت عند خدك
بعدها كان شهد صافي
طعمه أحلى من شفايفك
كل حته سهرنا فيها
قربت من قلبي قلبك
*****
يا ربيع أزهاره حب
روحي هايمه بأحلى درب
نبضي ساكن بين ضلوعك
كل دقه فيها قرب
من رضابك دقت شهد
بعد حبك م ألقى حب
وأما أضمك مني أكتر
ينبض القلبين في قلب
البدايه قصه حلوه
النهايه.... البعد صعب
ليست هناك تعليقات:
إرسال تعليق