هى الضحكة طعمها ايه
شكلها ايه وبتعمل ايه
اصل انا قلبي حزين
والله سنين وراها سنين
جوه القلب ألم وأنين
لا عشنا ضحكة
ولا فرحت عين
حد يقولي !
من قسوة أيامي
وظلم ألامى ليا وليه
جربنا نضحك مرة
ماعرفنا بالمرة
اصل حكايتي كتبها
ألم وحسرة مره
وقلبي هاج بصدري
بيعاتبني
جرى ايه جرى ايه
حد يقولي !
حتى طير الوروار
حزين هاجر الدار
حتى الياسمين ماعاد ياسمين
بيبكي ويا الأزهار
حرقة وألم ومرار
حد يقولي !
انا الحزن والحزن أنا
فحمد وشكر ياربنا
كله قدر وقضا
عايشين على أمل اللقا
فى جنة الخلد سوا
حد يقولي !
ليست هناك تعليقات:
إرسال تعليق