وِصْلِتْ إِمّي إمِّي طّلِّـتْ
بْلَهْفِـــهْ نَظْرِتْ
ولّمَّــا عُيُونا علَييِّ انْحَطِّتْ
شِفْتِ الدمعة كِيْــفْ انْحَدْرِتْ
بِكْيِتْ إمِّــي
فِرْحِتْ ضِحْكِتْ
مَــدَّتْ إيْــدَا
غَمْــرِتْ جِسْــمِي
لَمَّــتْ دَمْعَه نَـفْـرِتْ مِنِّـــي
بْلَثْمهْ بْشَــمِّه
رَفْرَفْ قَلْبِـي .. حَسِّيْت إنِّــي
كِــنِّي بْجَــنّــهْ
***
طَلِّــتْ إمِّــي بْلَهْفِهْ وْصـاحَتْ
بْلَهْفه و لَوْعـةْ إمّــي قالّتْ :
رْصَاصَهْ الـ خَرْقِتْ صِدْرَكْ
يَمِّـي هيِّي بْقَلْــبي
بْرُوحِي بْدَمِّــي
وبِكْيِتْ إِمّــي
هَرُّو دْمُوعـَـا
غَــسْلُـوا جْروحي
وْشَـالُوا هْمُـومِ الدنيي
عَــنِّــي
***
طَلِّــتْ إِمِّــي
رِجْعِــتْ رُوحِي
كِــلْ جْروحِي
الــ " كانِتْ تِنْزِفْ "
جِمْدِتْ نِشْــفِتْ
يـِمْكِنْ شِفْـيِتْ
يِمْكِنْ إمِّـــي انْجِرْحِتْ
عَنِّــي
***
لَمِّنْ طَلِّــتْ إمِّــي وْ ضِحْكِتْ
شِفْــتْ الدِّنيي أَكْثَر ْ اَحْلَى
وْإِمِّي الأَغْـلَى
تْــفَـرِّجْ غَمِّـي تِحْمِلْ هَمِّــي
وْمَــعْ كِــلْ خُــطوي
إِمِّــي تِسْــألْ
تِــسْأَلْ عَنِّــي
***
كْبِرْتِ يَمِّــي وْ صُرْتِ الأَسْمى
بْعيْنِ الدِّنْيــي صُرْتِ يَمِّــي
صُرْتِ الأَغْلَى
وْ صُرْتِ يَمِّـي أَكْثَــرْ أَكْــبَر ْ
صُرْتِ بْقَلْبــي مِسْكْ وْ عَنْبَــر ْ
قِصِّــةْ حُــبْ وْ قَلْبْ بْيِكْبَر ْ
مشْ رَحْ بِحْكــي يَمِّـي أَكْثَـر ْ
صُرْتِ حكايِهْ
حكايِةْ عَنْتَــر ْ
***
حِكْيُــوا النَّـاسْ كْثِيــر ْ وْقالُوا:
الشُّعرا الأُدَبا
قْلامْ الخَر ْســا صارَتْ تِحْكِــي
وْراقْ البِيــضا
شَعَّتْ كِلْمِهْ
ضِحْكِــهْ وْبَسْمِـهْ
مَرَّ هْ تْفّرِّحْ مرَّهْ تْبَكِّي
شْفافْ الدِّنْيـي صارَتْ يَمِّي
تِحْكِي عَنِّكْ
تِمْسَحْ دَمْعِةْ شُــوقْ تْـهِمِّـكْ
تِزْرَعْ وَرْدِةْ حُبْ بْصَدْرِكْ
لكِنْ يَمِّـي
كِلْ وْرَاقْ
الــ " حِكْيِتْ عنَّك"
كِلْ قْــلامْ
الـ "بِكْيِتْ لأجْلِكْ "
مِشْ رَحْ تِطْلَعْ قَطْرَهْ بْبَحْرِكْ
بَحْرِ الْحُــبْ
الــ " طَفْطَفْ مِنِّكْ "
***
بُذْكُر ْ مَرَّهْ بْعيــدِكْ يَمِّـي
هْدَيْتِكْ وَرْدِهْ
وْ بُذْكُــر ْ لَمَّــا زْرَعْتِ الوَرْدِهْ
فُــوْقْ مْخَدِّهْ
وْ لَمِّــن صُرْتِ كِلْ ما تْنَـامي
تِسْقِــي الْوَرْدِهْ
***
بشُو بِفْديكي قُولــي يَمَّــي
سْــأَلْــتا مَــرَّهْ
مَدَّتْ إيْـــدا زاحَتْ عَنِّـي
دِمْعَه حَــرَّى
وْ قالَتْ يَمِّــي:
كِلْ كْنـُـوزْ الدّنْيي عِنْدِي
كِلْ سْطُورْ الشِّعْرِ الفَنِّــي
ما بِتْسـاوِي شَعْرَهْ بْشَعْرَكْ
ما بِتْوازِي دَمْعَهْ بْخَـدَّكْ
وْمَهْمــا تِكْبَر ْ
مِشْ رَحْ تِكْبَــر ْ
رَحْ بِتْظَلَّكْ طِفْـــلْ بْحُضْــنِي
ليست هناك تعليقات:
إرسال تعليق