سندباد مسافــر
وروحي ســــــفينه
مسافر لديرة غرب
ناوي إنتغرب
انا وگـلبي وحنينه
وشايل إسنين العمر
فوگ الجروح
يا ثـگـلهن يا إسنينه
مسافر وأدري التغرب
دنيا وحشه إسنين عمره
مسافر وأدري التغرب
مثل صبر أيوب صبره
مسافر وأدري التغرب
ينكسر گـلبه بغربته
والـگـلب شيداوي كسره
سندباد مسافــر ..
وروحي ســـــــــــفينه
وشلت حزني ...
وهاجرت ويّ النوارس
ساحل ايذبني أعلى ساحل
مينه إيذبني أعلى مينه
طير مكسور الجناح بديره غربه
ردت أوچرلي إبمدينه
وچـنت أشوف المدن
ماليها الحـــــــــــــــزن
ثاري بيها الناس فرحانه
وأنا عيوني الحزنيه !
وصحت يا غربة عيوني
بلا وطــــــن
مدري ضيـّعنا الوطن
مدري الوطن ضاع إمندينه ؟
غربه كل ليله بمحطه انا ( وحمد )
ننتظر يمته يمر الريل بينه
والله ملينا الحزن
وعيوني خلصت دمع
گـد ما بـچــــــــــــــينه
من قصيدتي ( غــــربة السندبـــــــــــــــــــــــاد )
ليست هناك تعليقات:
إرسال تعليق