كتبنه عل جرف اجمل اغانينه
اجاها الروج و ضيعهن علينه
بحثنه شكد بحثنه ما لكيناهن
اثاري الطين ضماهن أهو بطينه
لآن يدري ما راح احنا نقراهن
عله مسمع الناس بيهن مأسينه
عفيه عليك جرف الماي
ما قصرت يوم التوازينه
ركضنه عليك ركضة العطشان
حته انته بسرعه تروينه
و لهسه انه اذكر ذيج البراميل
تغط بيك و نجرها بحبال لينه
و بعدها هذيج الذكريات البيك
ما تمحه شما تمر عليها سنينه
___________
/١٨/٨/٢٠٢٢/
العراق -مدينة السماوة-
ليست هناك تعليقات:
إرسال تعليق