اني تاريخ وقِدَم
اني قرطاس وقلم
اني رمز ،، اني علم
اني احزان والم
لا تظلموني
وتحجوا عني بالچذب
سجّل ،، سجّل يتاريخ اكتب
شنكتب وشنهو نكتب
وشنهو اكتب ؟
اكتب چذب؟
اكتب ظلم؟
اكتب خزن
اكتب الم ؟؟
اكتب على منهو انعدم؟
اكتب الف شاب انعدم
لا مو الف !! ،،
مليار اكثر من الف
اكتب على شعب انظلم؟
اكتب على حكام ظلمت شَعْبَهْا
اكتب على حكّام باگت أَرْضَها
اكتب على بلدان غِرْگت.
بدم أَهْلها
أكتب چذب ،؟؟؟
(( عاش القائد البطل ))
وهو ظالم وهو مجرم
من طفل ،،، لُمّن حكم
اكتب على منهو العِدَل؟
صفحاتي مابيها رجل
واحد عِدَلْ
بس ماندر
ذاك من ذاك العِدَل
واحد لمليون بس بطل
گلّي شكتب؟
بطلت ما عاد اسجل
بطلت ماعاد اكتب
شگگت اوراقي كلها
وزعلت ،، ذبيت القلم
من حزني من كثرة الم
من زيف وقوال الچذب
بطلت مااكتب ابد
مزبلتي كثرة بالنذل
وصفحاتي كثرة بالچذب
تْشَوِهت صفحاتي بقوال الچذب
بطلت ما اكتب ابد
بطلت ماكتب بعد
(( ماكتبت الا القليل القليل ،، لان الكلام يطول ويحتاج الى ملايين الصفحات ))
نضال الشبيبي
ليست هناك تعليقات:
إرسال تعليق