بويه شحجيلك .. مصايب؟
بويه شحجيلك .. عجايب ؟؟
بويه شحچي !!؟؟
الحجي ذات شجون
بويه جرح الناس خزَّن
والحزن فوگ الضنون
بويه حزن الناس سكته
بويه دمع الناس سكته
بويه تحجي الناس سكته
بويه حتى إصغار شعبي
بيهم انترست سجون
بويه حته الحق تراجع
بالجذب يعموا العيون
بيويه خلونه إنْتصارع
بويه عركتنه ع لگمه
لگمه ؟؟ واللگمه شتكون
بويه شاحجي
جوع شكك هالبطون
بويه شحجيلك مصايب
بويه شحچيلك عجايب
تخلي طفل المهد شايب
بويه شحجيلك غرايب
والحجي ذات شجون
€€€€€€
بويه نبديها مْنْ وّل
والروايه ابْلا زياده
بويه نبديها بدايه
والبدايه كنهايه
ونرجع نعيد الروايه
النذل،، صاير فريضه
النذل ...صاير حكم
الاخو يذبح اخوه ابلا هواده
والسبب،، جوع وظلم
والابن بايع ابوه بكل بلاده
والسبب ،،، قلة فهم
والاخت باعت اختها
والبنت باعت شرفها
والابو باع البنت بسم السياده
والسبب ،،، جور وظلم
والشرف،، وبيع الجسد
وسوگ النخاسه والكواده
مهنه مابيها اسف
لا ولا كطرة ندم
وتنحسب قدره واراده
والجذب والحرمنه والغش عباده
وتعتبر دگَّتْ زلم،،
بويه شاحجليك ... الم
بيويه شحجيلك حزن
والحزن هلبت يهون
بويه شاحجيلك مصايب
والحجي ذات شجون
€€€€€€€€€!
بويه شحجيلك ؟؟؟
علينه الدنيه زحمه
زحمه بالانذال ..
وفعل الردي يبقه ردي
لو بتدي
الاخو يغدر اخوه بلايَ رحمه
والحزن بالروووووح
بس يحدي حدي
مالي حيل جروحي بويه
والحمل .. هد الظهر
بويه هاي الناس شبعت
بس ظلم . وجور وقهر
بويه مامش حيل اثغب
بويه فاض الصبر بي
والصبر عوزه صبر؟؟
بويه هاي الناس مو ذيج العفته
بويه هاي الناس
معدنها شِبّه ونحاس
بويه راحت ذيج ناسك
والعمر يابويه مو ذاك العمر
بويه بس ابقه ابمچانك
لا ،، لاتجي وتشبع قهر
بويه ظِل جوّه التراب
بويه ضاع وضاع تعبك
بويه رحتوا وما بقت غير الغجر
وما بقت بس السجون
بعهدك ابلادي سجون
وبعد ابلادي سجون
بويه شحجيلك،،،، انتهينا
والحجي ذات شجون
€€€€€€€
27/071999
ليست هناك تعليقات:
إرسال تعليق