💚قصيده لصحتك💚
ياهاين عليك صحتك
وبتكوى صدرك قحتك
إرمى ياعم السيجارة
معقول تحب عدوتك
سنين تبوسها وتحرقها
وتدوس عليها بجزمتك
فلوس بتحرقها بإيديك
تعبت بيها فى دنيتك
شوف كام ١٠٠٠ ضيعتهم
كان أولى بيهم أسرتك
ليه تإذى نفسك وتإذى
كل اللى حاضر قعدتك
فكر شويه بعقل مابين
مابين ضررها وفيدتك
ماتقولش داعاده أومكروه
داشيطان بيزين نظرتك
دى م الخبائث وحرام
دى سموم بتهلك قوِتك
اللى يقول بتهَدى عبيط
دا مسيئ ملازم عِلبتك
اللى يقولك كده غلطان
احذفه من صحبتك
عُمْر النار ماتهدى نفوس
داكلام بيضلل فكرتك
فيه صاحب يهديك بسواك
وصديق سيجارته تموتك
المرء على دين خليله
صاحب السيجاره هيتعبك
لوانتا متدايق اتوضى
الميّه تطفى حرقتك
وصلى ركعتين لله
تلقى السعاده فى سجدتك
وتلاقى صدرك بأه مرتاح
وكمان تروق عصبيتك
اعلم بأنك يوم هتموت
فى القبر هتعيش وحدتك
الله عليها هيسألك
ساعة الحساب فى أخرتك
جبت فلوسها يا عبد منين؟
وليه تِسَود رئتك؟
وعن الشباب فين أبليته؟
هتقوله ايه ياحسرتك؟
إعمل حساب اليومده وتوب
انقذ روحك من ذلتك
ليست هناك تعليقات:
إرسال تعليق