مـهـداه إلي روح الغائب الحاضر
الشاعر الكبير وعميد الإلقاء / عبد الرحمن الأبنودي
ومـعشـوق جماهير الوطن العربي الكبير
وهـ تـفـضـل
قـلادة .. على صدرنا
يا ابـن أ بـنـود
يا مـسـافـر .. في دمـنَّـا
اوعـاك .. يا خـال
تُـكُـون فـاكـر
انك .. بـعـدت عـنـنا
د ا .. انت لك
في الـقـلب مـحـبـه
كـده .. من ربـنـا
صـحـيـح .. هـ تـوحـشـنـا
طـلْـتـكْ
و ونـس اللـقـا
ودفـا لـهـْجـتـكْ
ودفـاعـك .. عن الـ غـلابه
و الـتـا يـهـيـن في السـكـك
يـا صـوت مـصـر
اللي شـعـبـهـا
معـجـونه بـيـه مُـهْـجـتـك
اطـمن عـلـيـنا
بـعد ما تـمـيـت
رحـلـتـك
ما انت سايب
على الـجـيـل
بـصـمـتـك
يا ابن الـنـيـل
يا مـؤمـن
بـقـضـيـتـك
لا حـد اشـتـراك
ولا قـدر يـسـاومك
على وطـنـيـتـك
الـشـعـر كان عـريـنـك
حُـزنـك .. وسـرورك
ورِسْــمـالـك في دُنـيـتـك
الـحـق .. كان قـولـك
في وش اللي كـرهـيـنـهُ
لا هـمـك نـظـام
ولا زنـازيـنـه
عـشـتْ طـول عُـمـرك
فـارس
فـارد ع الـوطـن
جِـنـاحـيـنـهُ
إن صـابـهُ مـكـروه
وغـاب الـقـمـر
عـن لـيـلـهُ
والـيـأس .. مـدد
ولـف ع الـنُـفـوس
أحـابـيـلـهُ
ألاقـيــك با لأمـل
بـتـغـنـي لـهُ
ومـيـن يـا خـال
يـنـسـى " عـدى الـنـهـار"؟
في عـز الانـكـسـار
كانت بـشـايـر الانـتـصـار
وبـيـوت الـسـويـس
ع الـسـمـسـمـيـه
بـتـولـع .. الـعـدا .. نـار
كان زمان .. يا خـال
وكانت .. رِجـال
ما تـعـرف الـمُـحـال
وكُـنـت الـحـادي
بالكلمة .. والغنوة .. والموال
فاكر يـمِـيـنـك
ع الـمدنـه .. والـمدفـع
ورهـانـك .. بأيـامـك الـجـايـه
وفـيـت بـيـه
وما غابـتْ .. الشـمـس العـربـيـه
يـا تـرى .. انت غـبـت
عـشـان هـي غـايـبـه..؟؟!!
يـا ابن أ بـنـود
يـا مـعـلـمـنـا الـصـبـر
والاحـتـمـال
إن كان .. بـيـنـا
وشـوش كالـحـه
زي ..الـديـابـه .. مـداريـه
بـ تـنـهـش فـيـنـا
باعـتْ الـوطـن والـقـضـيـه
احـنـا .. بـرده فـيـنـا
وجُـوه .. بـعـزيـمـه حالـفـه
ع الـفـدا .. والـتـضـحـيـة
لـجـل .. ما تـعـيـش الـنـاس
آمـنـه .. ومـتـهـنـيـه
ولا انت .. نسـيـت يا خـال
وجُـوهـك ع الـقـنـال ؟؟
أقـول إيــه .. ولا إيــه
................ يـا خـال ؟
بـجـد.. فُـراقـكْ .. صـعـب
ولـو الـدمـعْ .. يـجِـيـبـكْ
نـجـريــه عـلـيـك .. انـهـار !!
لـجـل .. عُـيـونـك
زي ما كانت
تـفـضـل تُـشـوف
ما بـعـد الـشُـوف
لـجـل .. ما بـجـنـا حـتـك
تـفـضـل .. طـايـر طـيـر
تـلـف .. وتـدور
تـلـمـلـم حـكـاوي
الـبـطُـولـة .. والأسـاطـيـر
الـزنـاتـي .. والـهـلالـي
وكأنـك .. طـبـيـب مُـداوي
شـا يـف الـمـرض
وعـارف الـدوا ..فـيـن ؟
ع الـعُـمـوم يا خـال
انـت عـطـيـت
أد .. الـعُـمـر.. ما عـطـاك
وزيـاده...
وجِـمـيـلـك ..
مـغـطـي جـيـل .. ورا جِـيـل
وزيــاده ..
وهـ تـفـضـل .. مـعـانـا
لا سـيـرتـك .. ولا صُـورتـك
أبـداً .. عـنَّـا هـ تـغـيـب
ما هي أمـثـالـك
ما يـغـيْـبـهـا الـمُـوت
وازاي .. تـغِـيـب ؟
يا ابو الـقـلب الاخضراني
وأنا وجـيـلي .. شـبـيـنا
على أروع الأغـاني
كانت .. بـتـخـدنـا
لـعـالم تـاني
آه .. على
" مسير الشمس من تاني"
و " الـهـوى هـوايا "
وازاي .. بـتـرسـم
صـورة الأمـيـرة
أحـلـى الـصـبـايـا
وأنا الـعـاشـق
اللي .. ما بمـلك مـهـرها
ولا من دُنـيـتـي
غـير أشـواقي ..
وضحكي .. وبُكايَّ
أغـاني .. ياما
سافرت بـيـنا للأمـاني
و" حـبـيـبي ال سـمـراني"
و" سـاعـات .. سـاعـات"
بـجـد .. يـا خـال
خـلـتـنـي ..احـب عُـمـري
وأعـشـق ال حـاجـات
و" تحت الـشـجـر "
وانا واقـف مع وهـيـبـه
في أصـفـى صـوره للـ حـبـيـبـه
" مـال عـلىَّ مـال فرع م الرُّمـان"
و وصـانـي ..أقـول .. لك يا خـال
إنـك خـالـد..
زي الـهـرم .. والـنـيـل
وإنـك .. فـنـار و دلـيـل
على إن مـصـر.. ولاده
وإنـك .. هـ تـفـضـل
على صِـد رنا قـلاده
ليست هناك تعليقات:
إرسال تعليق