زعلان بس يا زعل؟
بطاريك أحسن وارتجف
جرحي يفزّن وارتجف
وأحس بشوگ علمني البچي
وارجع أكول انت الخلف
اسمع تنادي ،وَهَيْس الروح
ال يمّك تجي
اركض ركض مو بس ركض
على أرْكبّي اجيلنّك زحف
اشبگنك وأشمّنك عطر
على صدرك اون طول الدهر
جيتك اداري دمعتي
جيتك اداري بلوتي
جيتك احاجيك واقصن قصتي
وابقه على ظيم انتچي
آآ ياترف ،،، اني اعترف
كلشي على الدنيا اختلف
كلشي انحرف
بسّك سوالف ولك
الحچي مل الحچي
والبچي مل البجي
والنهر هد الجرف
والزرع فاض الزرع
وأعترف ،،،، اني اتعبت
اني مليت الكلام
وقريت عل دنيا السلام
25/Juli/ 2022
ليست هناك تعليقات:
إرسال تعليق