(( لا تظلم احدا مهما كنت قوياً ،،، وتذكر ان الله هو الأقوى ولايرضى بظلمٍ ابدا ))
بالاخره نلتقي ،، وهناك نتعاتب
عد رب الكريم اثنين نتحاسب
اذا مني الذنب ؟ ارجوك اغفرلي
واذا منك ؟ اريد العمر يرجعلي
عمر اللي سحگته ومانزل دمعك
بكل قساوه دمرتني وآني ظلعك
لو چان العشگ ميثاق ،،نتكاتب
يمر رب الكريم ،، اثنين نتحاسب
@@
اريد اسال يقاسي ليش تجرحني؟
وانا غافي بأمان ،، بغدر تطعني
عشت وياك احلى ايام ،، جمعتنا
اجيت انت غفل ،،،وأنهيت قصتنا
كنت اني طرفها وبالعشك صافي
چنت انت تِگَطْر سم ،. على شفافي
وتواليها ،، اسمعك انت لتعاتب ؟
اگو رب الكريم ،، وهناك نتحاسب
@@
إذا انت بدموعك تخدع الناس
أنا ساكت اداري حزني بالكاس
عجيبه شلون عندك عين صلفه
تگول الصار، كل الصار صدفه
تجي تطعن بريء وتشتكي تبچي
وانا صابر عليك اسنين ما احجي
بالاخره نلتقي ،، ،، اويّاك اتعاتب
ويم رب الكريم ،، أهناك نتحاسب
ليست هناك تعليقات:
إرسال تعليق