وتبدأ فصول الروايه الجديده
وعود وأماني ، وأحلام عديده
يقولك هرٌجع حقوق الغلابه
كأن بسلامته في أيده الحديده
***
مناخيره رافع .. بأي أماره؟
كأنه وزير في أحسن وزاره
تقوله تواضع شويه يا( رابسو)
يتنح ويضحك فاكرها شطاره
***
أقوله يا(رابسو) كفايه رغاوي
يقول احنا لسه ملوك القهاوي
بنقعد نخطط ، مين اللي يسقط
وصوت الغلابه ، تجيبه الحكاوي
***
وبيقول عشانكم أنا جيت مرشح
ومحتاج لصوتكم أكمٌل وأنجح
وعندي سلاحي الجديد في الدعايه
أفبرك والفق ، وأكذب واجرٌح
***
بإيدي وإيدكم تبان الحقيقه
نعري اللي عملوا مابينا حريقه
وأنا درويش ، بقولها صريحه
بالحب ننجح ، دي أقصر طريقه .
13/5/22
( موسم الإنتخابات النقابية)
ليست هناك تعليقات:
إرسال تعليق