(( يامعشر الرجال المرأه ليست جاريه . يامن منكم (( وليس كلكم )) يستعبدها باسم الفحوله الزائفه ،،،،انها احساس وكلها رقه وحياء ،،،فاياكم جرحها فدلك الجرح سينزف الى الازل ))
اني مو عندك صنم
اني احساس وحياة
اني من دم ولحم
اني حره وعندي ذات
اني مو عندك وثقيه
لا ولا صفقه بتجاره
وْلْا زهور ولا حديقه
ماتت وماكو خساره
اني مو رقم اسم
اني مو عندك صنم
@@@&@
اني مو عندك جريده
ساعه تقرها وتملها
ولا كتاب ولا قصيده
ولا قصص انت بطلها
اني مو لوحه اشتيرتها
وتحجي تتباها بسعرها
ولا اسيره واسرتها
وعبده ماتت في اسرها
اني من دم ولحم
اني مو عندك صنم
@@@@@&&
اني موعندك قصر
ولا اثاث انت امتلكته
اني نشوانه بعمر
والعمر بيديك هدمته
اني مو حفلة زفاف
وْلْا عرس! ضج باغاني
اني وك عِزّه وعفاف
ودهري بين ايدك رماني
اني من دم ولحم
اني موو عندك صنم
ليست هناك تعليقات:
إرسال تعليق