إشكَد كتبت حروف إلك
نامت على أوراق الدفاتر
إشكَد سوالف
سولفتلك وإنت غافي
جنت أسولفهن همــــسْ
وإنت تدري
عشكَي إلك ما يشبه أحد
..............عشكَ شاعرْ
ياما نومتك على عيوني
سهر ليل وعرسْ
يكَضي ليله الكَمر
أنا وياه مكسورين خاطرْ
والوجع بيّه
ترس صدري ترسْ
سندباد
أبحر عينك جنت أسافرْ
وروحي صارتلك
سما من الفـــــرح
وأنت شمسْ
وجنت أكَعد على دربك
بشوكَ
جنت انا أناطرْ
وجنت أكَول
اليوم غفله إيمر عليّه
إلما أجا ومرني أمسْ
وإجا يوم وراح يوم
وإجا يوم وراح يوم
وإجا باجرْ
ما إجيت ... ومات
كل حرف الكتبته
والسوالف سكتت
وما بعد تحجي
من الحزن صارت خرسْ
ليست هناك تعليقات:
إرسال تعليق